كالعادة أغلب الحالات بعد الإفطار على طول يجوك يشكو من آلام في المعدة واضطرابات في القولون، وأني بديت نفوت في التاريخ المرضي وكل الأسئلة المهمة ونسأله طول ..
– يا دكتور والله ما كثرت راهو “ضروري يقولك ما كلاش هلبا” !!
– اول حاجة فطرت على تمر وحليب وشوية حلويات ..
– سبعة ثمرات مع شوية بسيسة وطاستين حليب وطرفين بكلاوة وشامية
– بعدين خشينا عالثقيل يا دكتور ، شربة وكسكسي وشوية مشقشقات
– طريفات بوريك ومبطن وبيتزا وبراك وحاجات ثانية مدايرينهم البنات مانعرفش شنو يقولولهم !
– ماهو قلتلك ما كترتش يا دكتور ، طريف ولا طريفين من كل حاجة !!
هذا عينة من المرضى/ وطبعاً أني نقعد مستغرب كيف هو مقتنع فعلاً أنه مش مثقل في الأكل !
وللأسف معظمنا هكي .. مهما تحاول تفهمه أن معدته صايمة وشبه واقفة 16 ساعة وبعدين يجي يخلعها بالبراك والمبطن والعصبان وجميع أنواع المقليات والمشويات والبهارات، ضروري ما تضطرب وتتلخبط وتنتفخ وتخش بعضها الحكاية .. وبرضو ما يقتنعش !!
يقعد يقولك لا هادي أول مرة تصيرلي ،، وأني من زمان معدتي تتعب في رمضان بس ! ويبدأ يطلع في أعذار أخرى .
بالله عليكم يا ناس أرحموا بطونكم شوية ، مش هكي الصيام راهو !
من عيادة الدمتور عادل الحويرسي
عقد رئيس الوزراء #عبدالحميد_الدبيبة، اليوم الأحد، اجتماعا برئيس وأعضاء الهيئة العامة لشؤون الحج والعمرة ومديرها…
قام المبعوث الأمريكي الخاص إلى ليبيا السفير " ريتشارد نورلاند" مساء الأحد بزيارة للمنطقة الحرة…
بحثت وزيرة الشؤون الاجتماعية /وفاء الكيلاني / أمس الأحد مع مدير إدارة منحة الزوجة و…
●الاحتفال كان لوحة فنية فريدة ! ليبيا الإخبارية:قالت رئيس اللجنة الإعلامية لليوم الوطني للمرأة الليبية…
.28 أبريل 2024م- أَعلن وزير التربية والتعليم الدكتور "موسى المقريف" عن إطلاق النسخة الثانية من…
الخميس|25أبريل 2024م شارك رئيس الهيئة العامة لرصد المحتوى الإعلامي، جلال عثمان، في فعاليات المنتدى الدولي…