كالعادة أغلب الحالات بعد الإفطار على طول يجوك يشكو من آلام في المعدة واضطرابات في القولون، وأني بديت نفوت في التاريخ المرضي وكل الأسئلة المهمة ونسأله طول ..
– يا دكتور والله ما كثرت راهو “ضروري يقولك ما كلاش هلبا” !!
– اول حاجة فطرت على تمر وحليب وشوية حلويات ..
– سبعة ثمرات مع شوية بسيسة وطاستين حليب وطرفين بكلاوة وشامية
– بعدين خشينا عالثقيل يا دكتور ، شربة وكسكسي وشوية مشقشقات
– طريفات بوريك ومبطن وبيتزا وبراك وحاجات ثانية مدايرينهم البنات مانعرفش شنو يقولولهم !
– ماهو قلتلك ما كترتش يا دكتور ، طريف ولا طريفين من كل حاجة !!
هذا عينة من المرضى/ وطبعاً أني نقعد مستغرب كيف هو مقتنع فعلاً أنه مش مثقل في الأكل !
وللأسف معظمنا هكي .. مهما تحاول تفهمه أن معدته صايمة وشبه واقفة 16 ساعة وبعدين يجي يخلعها بالبراك والمبطن والعصبان وجميع أنواع المقليات والمشويات والبهارات، ضروري ما تضطرب وتتلخبط وتنتفخ وتخش بعضها الحكاية .. وبرضو ما يقتنعش !!
يقعد يقولك لا هادي أول مرة تصيرلي ،، وأني من زمان معدتي تتعب في رمضان بس ! ويبدأ يطلع في أعذار أخرى .
بالله عليكم يا ناس أرحموا بطونكم شوية ، مش هكي الصيام راهو !
من عيادة الدمتور عادل الحويرسي
د.علي المبروك أبوقرين في الفكر الصحي المعاصر إشكالية عميقة حيث تحولت النظم الصحية عند البعض…
د.علي المبروك أبوقرين لطالما قيست قوة النظم الصحية بقدرتها على علاج المرضى، والمقياس الحقيقي للقوة…
د.علي المبروك أبوقرين من موقع الطبيب الذي يرى الإنسان قبل المرض ويشهد تفاصيل الألم قبل…
العالم الذي كان يتجه بثقة نحو الاستقرار والتنمية والتطور الحضاري، ويضع العلم والمعرفة في صدارة…
د.علي المبروك أبوقرين يأتي عيد الأم كواحد من أجمل المناسبات التي أقرتها الحضارة الإنسانية، ليس…
د.علي المبروك أبوقرين سارينات سيارات الإسعاف، وأصوات إنذارات المطافئ، ونداءات النجدة التي تخترق صخب المدن…